ZIERBENA BAHIAS DE BIZKAIA

Historia

Patrocinadores do club
  • BBGE
  • Bahías de Bizkaia
  • ZIERBENAKO UDALA
  • BIZKAIALDE
  • PETRONOR
  • Ibauto
  • Automóviles Galindo
  • DIPUTACIÓN DE BIZKAIA
  • BUNGE
  • TEPSA
  • Infisport
  • Maloka Sunset

A historia do remo en Zierbena remóntase ao século XVI, cando se constitue a Confraría de Mareantes de San Nicolás de Bari no Concello de San Román de Zierbena. Os primeiros resultados escritos das actuacións de Zierbena van até 1928, cando Plácido Aramburu consigue clasificar por primeira vez a embarcación viscaína na Bandeira da Concha. Dúas décadas máis tarde, a ‘Virgen del Puerto’  convertiríase na campiona de España e nos 50 obtería o seu mellor clasificación na Bandeira da Concha, segunda.

A finais dos anos 70, a Sociedade de Remo San Román e a Sociedade de Remo Virgen del Puerto deciden unirse e competir baixo o nome de Sociedad de Remo Ciérvana, pasado un tempo máis coñecida como Zierbena Arraun Elkartea. E sería en 1990 cando Zierbena completaría unha das súas mellores tempadas, obtendo o Campionato de Euskadi e de España, ademais de 12 bandeiras. Nestes últimos anos Zierbena vai sumando varias bandeiras en diferentes categorías e en 2011, despois de ser segundo na categoría de prata, lograría o ascenso pero en 2013 descende de novo. Precisamente nesa tempada, os viscaínos faríanse con sete bandeiras na ARC-1, conseguindo no play-off o ascenso á Liga San Miguel. 

No 2015, Zierbena rematou en décima posición a clasificación xeral da Liga San Miguel, e na novena posición no 2016.

A tempada do 2017 foi agridoce para este club. Remataron o ano na quinta posición, aínda que chegaron a saborear a vitoria na regata da X Bandeira Concello de Ares.